အိန္ဒိယနိုင်ငံအတွက် ကိုဗစ်ကူညီကယ်ဆယ်ရေးလုပ်ငန်းများ ဆောင်ရွက်ရန် Annie Lennox ၊ Ed Sheeran နှင့် Sir Mick Jagger အပါအဝင် နာမည်ကျော် အနောက်တိုင်းအဆိုတော်များနှင့် ဘောလိဝုဒ်စတားများ ပူးပေါင်းပြီး ရန်ပုံငွေပွဲတစ်ခု ပြုလုပ်သွားမည်ဖြစ်သည်။
“We For India : Saving Lives” အမည်ဖြင့်ပြုလုပ်မည့် အဆိုပါအွန်လိုင်းရန်ပုံငွေရှာဖွေပွဲကို သြဂုတ် ၁၅ ရက် (တနင်္ဂနွေ) တွင် လန်ဒန်နှင့် မွမ်ဘိုင်းနှစ်နေရာစလုံးတွင် ပြုလုပ်မည်ဖြစ်ပြီး ကြာမြင့်ချိန် သုံးနာရီရှိမည်ဖြစ်ကာ Facebook မှ Livestream ပြသမည်ဖြစ်သည်။
အဆိုပါပွဲတွင် အိန္ဒိယဘက်မှ တေးရေး တေးဆို AR Rahman အပါအဝင် လူ ၈၀ ကျော် ပါဝင်တင်ဆက်မည်ဖြစ်ပြီး အခြားနိုင်ငံခြားဂီတအသိုင်းအဝိုင်းမှ Nile Rodgers ၊ Sister Sledge ၊ Jay Shetty နှင့် Nancy Ajram တို့လည်း ပါဝင်ကူညီမည်ဖြစ်သည်။
အခမ်းအနားမှူးအဖြစ် အော်စကာနှင့် ဘတ်ဖ်တာဆုအတွက် အဆိုပြုခံရသည့် The White Tiger ရုပ်ရှင်ထဲမှ Rajkummar Rao က ဆောင်ရွက်ပေးမည်။
အိန္ဒိယနိုင်ငံတွင် ယခုကိုဗစ်ဒုတိယလှိုင်းကာလအတွင်း ဆေးရုံတက်ရောက်မှုအတော်လေးမြင့်မားခဲ့ပြီး လူနာအများစုသည် ကျန်းမာရေးစရိတ် မတတ်နိုင်တော့ သည့်အတွက် ရန်ပုံငွေလှူဒါန်းမှုများဘက်ကို အားကိုးလာရသည်။
အိန္ဒိယဆေးရုံများ၌ အောက်ဆီဂျင်ပြတ်လပ်ကာ မလောက်ငှသည့် စိတ်မချမ်းသာဖွယ်မြင်ကွင်းများလည်း ကမ္ဘာအနှံ့က မြင်တွေ့ခဲ့ရပြီးဖြစ်သည်။
အိန္ဒိယအစိုးရက ပြည်တွင်းရှိ လူကြီး သက်ကြီးအားလုံးကို ၂၀၂၁ နှစ်ကုန်အမီ ကိုဗစ်ကာကွယ်ဆေး ထိုးပေးမည်ဟု ကတိပြုထားသော်လည်း “ကာကွယ်ဆေးအလုံအလောက်ရှိပါရဲ့လား” ဆိုသည်ကို သံသယဖြစ်နေကြသည်။
ရန်ပုံငွေပွဲမှရရှိလာမည့်အကျိုးအမြတ်များကို အရေးပေါ်အသက်ရှူစက်များ၊ အောက်ဆီဂျင်စက်များ၊ လိုအပ်သည့် ဆေးဝါးကိရိယာများ ဖြည့်ဆည်းထောက်ပံ့ပေးရန် သုံးစွဲသွားမည်ဖြစ်ကာ ကာကွယ်ဆေး ထိုးပေးသည့် စင်တာများမှ ဝန်ထမ်းများကိုလည်း ထောက်ပံ့မည့်အပြင် ကျပ်တည်းဒုက္ခရောက်နေသူများကိုလည်း ကူညီမည်ဟု သိရသည်။
အိန္ဒိယတွင် ပြည်သူ့ကျန်းမာရေးစောင့်ရှောက်မှုအတွက် အသုံးစရိတ်သည် နိုင်ငံ GDP ၏ ၁ ဒသမ ၂ ရာခိုင်နှုန်းသာ ရှိပြီး ကမ္ဘာပေါ်တွင် အနည်းဆုံး သုံးစွဲသည့်နိုင်ငံများထဲ ပါဝင်နေကာ နိုင်ငံလူဦးရေ၏ သုံးပုံနှစ်ပုံခန့်သည် မည်သည့်ကျန်းမာရေး အာမခံမှ မရရှိကြပေ။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
