ထိုင်းနိုင်ငံ ဘန်ကောက်မြို့တော်မှာ စက်တင်ဘာလဆန်းပိုင်းအတွင်း ပြုလုပ်မယ့် BIMSTECS ထိပ်သီးအစည်းအဝေးသို့ အိန္ဒိယဝန်ကြီးချုပ် နာရင်ဒြာမိုဒီ တက်ရောက်မှာဖြစ်တယ်လို့ သံတမန်သတင်းရင်းမြစ်တစ်ခုက ပြောဆိုကြောင်း Thai PBS World သတင်းတစ်ပုဒ်မှာ ဖော်ပြပါတယ်။
ဘင်္ဂလားပင်လယ်အော် စီးပွားရေးနဲ့ နည်းပညာဆိုင်ရာ ဘက်စုံပူးပေါင်းဆောင်ရွက်ရေးအဖွဲ့ BIMSTECS ရဲ့ ၅ ကြိမ်မြောက် အစည်းအဝေးကို မိုဒီတက်ရောက်လိမ့်မယ်လို့ အမည်မဖော်လိုတဲ့ ယင်း သံတမန်သတင်ရင်းမြစ်က ပြောဆိုတယ်လို့ သိရပါတယ်။
ဒါဟာ အိန္ဒိယနိုင်ငံရဲ့ ပိုမိုကျယ်ပြန့်တဲ့ စီးပွားရေးဖွံ့ဖြိုးတိုးတက်မှုအတွက် BIMSTECS ရဲ့ အရေးကြီးမှုကို ဖော်ညွှန်းတဲ့ အချက်ဖြစ်တယ်လို့ ယင်း သတင်းရင်းမြစ်က ဆက်လက်ပြောဆိုခဲ့ပါတယ်။
ပြီးခဲ့တဲ့နှစ်မှာ ဆိုင်းငံ့ထားခဲ့ရတဲ့ ယင်းအစည်းအဝေးသို့ ဘူတန်၊ ဘင်္ဂလားဒေ့ရှ်၊ မြန်မာ၊ နီပေါနဲ့ သီရိလင်္ကာနိုင်ငံတို့မှ ခေါင်းဆောင်တွေလည်း တက်ရောက်ကြမှာဖြစ်ကြောင်း အတည်ပြုထားပြီးဖြစ်တယ်လို့ ယင်း သတင်းရင်းမြစ်ရဲ့ အပြောအရ သိရပါတယ်။
လက်ရှိဥက္ကဋ္ဌနိုင်ငံဖြစ်တဲ့ ထိုင်းနိုင်ငံဟာ သာယာဝပြောမှု၊ ခံနိုင်ရည်ရှိမှု၊ ပွင့်လင်းမှုတို့ကို ကိုယ်စားပြုတဲ့ PRO BIMSTEC ဆိုတဲ့ ဆောင်ပုဒ်ကို ချမှတ်ကျင့်သုံးကြောင်း သိရပါတယ်။ ဘင်္ဂလားပင်လယ်အော်ဒေသ ငြိမ်းချမ်းရေး၊ တည်ငြိမ်ရေး၊ စီးပွားရေးတိုးတက်မှုနဲ့ ရေရှည်တည်တံ့ခိုင်မြဲရေးတို့အတွက် ဥက္ကဋ္ဌနိုင်ငံက မျှော်မှန်းထားတယ်လို့ ဆိုပါတယ်။
အိန္ဒိယနိုင်ငံဟာလည်း BIMSTECS နိုင်ငံခြားရေးဝန်ကြီးများအစည်းအဝေးကို ဇူလိုင် ၁၁ ရက်မှာ နယူးဒေလီမှာ လက်ခံကျင်းပသွားမှာဖြစ်တယ်လို့ သိရပါတယ်။
Ref: Thai PBS World
-
အင်းလေးကန် အရှေ့ဖက်ကမ်းရှိ Inle Princess Resort ဟိုတယ် မီးလောင်မှုဖြစ်ပွား
-
ဆရာ၊ ဆရာမများနှင့် ကျောင်းသား၊ ကျောင်းသူများ ပါဝင်သော တက္ကသိုလ်လေ့ကျင့်ရေးတပ်များ၏ မိုးရာသီစခန်းချ လေ့ကျင့်ရေး သင်တန်းဆင်းပွဲများကျင်းပ
-
တန်ဆောင်မုန်းလပြည့်ည ရန်ကုန်မြို့ ပြည်သူ့ရင်ပြင် စျေးရောင်းပွဲတော်နှင့် ဂီတပွဲတော်မြင်ကွင်းများ
-
ပြိုင်ဆိုင်မှုပြင်းထန်ဦးမယ့် ESM ခြေလှမ်းများ
-
ရေးမြို့၊ အောင်မင်္ဂလာရပ်ကွက်လုံးကျွတ် တန်ဆောင်တိုင်ဆွမ်းကြီးလောင်းပွဲနှင့် နိဗ္ဗာန်ဈေးအလှူပွဲ မြို့ခံပြည်သူများ၊ ဒေသခံပြည်သူများဖြင့် စည်ကား
