Top News

အိန္ဒိယနိုင်ငံ၏ အထင်ကရအဆိုတော် လာတာမန်ဂက်ရှ်ကာ အသက် ၉၂ နှစ်အရွယ်တွင် ကွယ်လွန်

24htopnews | June 27, 2024 3:12 AM CST

အိန္ဒိယနိုင်ငံ၏ အကြီးဆုံးယဉ်ကျေးမှု ပြယုဂ်များထဲမှ တစ်ဦးဖြစ်သည့် အဆိုတော် လာတာမန်ဂက်ရှ်ကာသည် အသက် ၉၂ နှစ် အရွယ်တွင် ကွယ်လွန်ခဲ့သည်။

မန်ဂက်ရှ်ကာသည် COVID-19 ရောဂါကူးစက်ခံခဲ့ရပြီးနောက် ဇန်နဝါရီ ၁၁ ရက်၌ ဆေးရုံတက်ရောက်ကုသမှု ခံယူခဲ့ရသည်။ သူသည် ဆေးရုံတွင် ၂၈ ရက်ကြာ တက်ရောက်ကုသမှုခံယူခဲ့ပြီးနောက် ကိုယ်တွင်းအင်္ဂါအများအပြားပျက်စီးခဲ့ပြီး ဖေဖော်ဝါရီ ၆ ရက်မနက်ပိုင်းတွင် ကွယ်လွန်ခဲ့သည်။

“ကျွန်တော်စကားလုံးတွေနဲ့ မဖော်ပြနိုင်လောက်အောင် စိတ်မကောင်းဖြစ်မိပါတယ်” ဟု ဝန်ကြီးချုပ် နရင်ဒရာမိုဒီက Twitter တွင် ရေးသားခဲ့သည်။

မန်ဂက်ရှ်ကာအတွက် နိုင်ငံတော်စျာပနအခမ်းအနားကို ပြုလုပ်ပေးသွားမည်ဖြစ်ပြီး ဖေဖော်ဝါရီ ၇ ရက်တွင် အလံတစ်ဝက်ချ၍ နိုင်ငံတော်အဆင့်ဝမ်းနည်းအောက်မေ့ဖွယ် ပြုလုပ်သွားမည်ဟု ပြည်ထဲရေးဝန်ကြီးဌာနက ထုတ်ပြန်ခဲ့သည်။