လော့စ်အိန်ဂျလိစ်တွင် ဂျက်စတင်ဘီဘာ ဖျော်ဖြေသည့် ပါတီပွဲတစ်ခု အပြင်ဘက်တွင် အချင်းများမှုဖြစ်ပွားခဲ့ပြီး လူသုံးဦး သေနတ်ထိမှန်ခဲ့သည်။
အသက် ၂၇ နှစ်ရှိပြီဖြစ်သည့် ဂရမ်မီဆုရှင်ဘီဘာသည် ဖေဖော် ၁၃ ရက်တွင် ပြုလုပ်သည့် Super Bowl (အမေရိကန်ဘောလုံးပြိုင်ပွဲ)တွင် မဖျော်ဖြေမီ ပါတီပွဲတစ်ခုတွင် ပါဝင်ဖျော်ဖြေခဲ့ပြီး ပွဲပြုလုပ်ရာနေရာအပြင် ဘက်တွင် စကားများရန်ပွဲတစ်ခုဖြစ်ရင်း ပစ်ခတ်မှုများလည်း ဖြစ်ခဲ့သည်။
လော့စ်အိန်ဂျလိစ်ရဲတပ်ဖွဲ့အတည်ပြုချက်အရ ၎င်းနေရာတွင် သေနတ်ပစ်ခတ်မှုအကြိမ်ရေများစွာဖြစ်ခဲ့ပြီး ၁၉ နှစ်၊ ၂၄ နှစ်နှင့် ၆၀ အရွယ် အမျိုးသားသုံးဦး သေနတ်ထိမှန်ခဲ့သည်။
ဖေဖော်ဝါရီ ၁၂ ရက် နံနက် ၂ နာရီ ၄၅ မိနစ်အချိန်ခန့်တွင် အခင်းဖြစ်ခဲ့ခြင်းဖြစ်ပြီး ဒဏ်ရာရသူသုံးဦးအနက်နှစ်ဦးကို လော့စ်အိန်ဂျလိစ်မီးသတ်ဌာနက ဆေးရုံပို့ပေးခဲ့သည်။ သုံးဦးစလုံးလည်း အခြေအနေတည်ငြိမ်နေသည်ဟု သတင်းများက ဖော်ပြသည်။
ဘီဘာသည် Super Bowl ပွဲအကြို Homecoming Weeekend ပါတီအပြီး Aferparty ပွဲတွင် သွားရောက်ဖျော်ဖြေနေချိန်ဖြစ်ပြီး အခင်းဖြစ်ပွားချိန် ပါတီပွဲအတွင်း အနုပညာရှင်အရေအတွက် မည်မျှရှိနေသည်ကို သေချာမသိရပေ။ အခင်းဖြစ်စဉ်ဗီဒီယိုမှာလည်း အွန်လိုင်းပေါ်ရောက်လာခဲ့သည်။
အခင်းဖြစ်ပွားပြီးနောက်မူ ဂျက်စတင်နှင့်ဇနီး ဟေလီဘီဘာတို့စုံတွဲကို လူအကာအရံများဖြင့် အပြင်သို့ ခေါ်ထုတ်ခဲ့ရကြောင်း သိရသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
