ကရင်ပြည်နယ်တွင် စျေးကွက်ဝယ်လိုအား ကောင်းမွန်သည့် ကော်ဖီသီးနှံကို ဧက ၁၀၀၀ တိုးချဲ့စိုက်ပျိုးမည်ဖြစ်ကြောင်း ကရင်ပြည်နယ် ဝန်ကြီးချုပ်က ပြောသည်။
ဘားအံမြို့နယ်၊ အုန်းတပင် ကျေးရွာအုပ်စု၊ ဗျိုင်းတောင်ကျေးရွာ၌ ကျင်းပသည့် ကော်ဖီပျိုးပင်ထောက်ပံ့ပေးအပ်ခြင်းနှင့် ကော်ဖီပင်စုပေါင်းစိုက်ပျိုးပွဲအခမ်းအနားတွင် ပြည်နယ်ဝန်ကြီးချုပ်မှ ပြောကြားခဲ့ခြင်း ဖြစ်သည်။
နိုင်ငံခြား ဝင်ငွေရှာဖွေပေးနိုင်သည့် ကော်ဖီသီးနှံကို ကျယ်ကျယ်ပြန့်ပြန့်နေရာအနှံ့တိုးချဲ့စိုက်ပျိုးလာနိုင်မှသာ ထုတ်ကုန်အများအပြားထုတ်လုပ်လာနိုင်မည်ဖြစ်ပြီး ဈေးကွက်ဝယ်လိုအားကို ဖြည့်ဆည်းပေးနိုင်မည် ဖြစ်ကြောင်းလည်း ဝန်ကြီးချုပ်က ဆိုသည်။
ယခုလက်ရှိတွင် ကရင်ပြည်နယ်၌ ကော်ဖီစိုက်ဧက ၁၀၀၂၉ ဧကမှ အစေ့အဆံတန်ချိန် ၂၁၂၂၉ ဒဿမ ၆ တန် ထွက်ရှိလျက်ရှိပြီး သံတောင်ကြီးဒေသတွင် မြေနိမ့်ကော်ဖီ(ရိုဘတ်စတာ)ကို အများအပြားစိုက်ပျိုးထားကြောင်းလည်း သိရသည်။
ကော်ဖီသီးနှံမှာ တန်ဖိုးမြှင့်သီးနှံတစ်မျိုးဖြစ်ပြီး ကမ္ဘာ့ကုန်သွယ်မှုပမာဏအရ ရောင်းဝယ်မှုအများဆုံး ကုန်စည်စာရင်းတွင်ပါဝင်သည့်အတွက် ဈေးကွက်ဝယ်လိုအားကောင်းသော ကော်ဖီသီးနှံကို စိုက်ပျိုးရန် ကော်ဖီသီးနှံစိုက်ပျိုးမည့်တောင်သူများအား ဧက(၁၀၀)အတွက် ကော်ဖီပျိုးပင် (၄၃၅၀၀) ပင်အား ဖြန့်ဝေပေးခဲ့ကြောင်းလည်း သိရသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
