General Hospital ရုပ်သံဇာတ်လမ်းတွဲမှ သရုပ်ဆောင်ဂျွန်နီဝက်တာသည် လော့စ်အိန်ဂျလိစ်တွင် ကားသူခိုးများနှင့်တွေ့ပြီး ပစ်သတ်ခံလိုက်ရသည်ဟု ကျန်ရစ်သူမိသားစုက မေ ၂၆ ရက်တွင်ကြေညာလိုက်သည်။
LA မြို့လယ်တွင် မေ ၂၅ ရက် မနက်သုံးနာရီဝန်းကျင်ခန့်က အခင်းဖြစ်ပွားခဲ့ခြင်းဖြစ်ပြီး အသက် ၃၇ နှစ်အရွယ်ရှိဝက်တာက ၎င်း၏ကားမှပစ္စည်းတစ်ခုခု ဖြုတ်ခိုးရန်ကြိုးပမ်းနေသည့် သူခိုးနားချဉ်းကပ်သွားစဉ် ပစ်သတ်ခံလိုက်ရခြင်းဖြစ်သည်။ပစ်ခတ်သူက နောက်အမျိုးသားနှစ်ဦးနှင့်အတူ နေရာမှထွက်ပြေး လွတ်မြောက်သွားသည်။
မိခင်ဖြစ်သူပြောပြချက်အရ ဝက်တာသည် ၎င်းအလုပ်ဝင်လုပ်နေသည့် ဘားမှအပြန် လုပ်ဖော်ကိုင်ဖက်မိန်းကလေးတစ်ဦးနှင့် လျှောက်လာရင်း ၎င်း၏ကားနားတွင် လူတစ်ဦးကိုတွေ့သဖြင့် ကားကိုကြိုးဖြင့်ဆွဲခံရတော့မည်သာ ထင်ခဲ့သည်။ထို့ကြောင့်အနားကပ်ကာ အကြောင်းရင်းကို သွားမေးရာမှ မျက်နှာဖုံးနှင့်ကားသူခိုး၏ ပစ်ခတ်မှုကိုခံလိုက်ရသည်။ ဝက်တာသည် ဆေးရုံတွင်ဆုံးသွားသည်။
၂၀၂၀ ခုနှစ်မှ ၂၀၂၂ ခုနှစ်အထိ ABC မှပြသသည့် လူမှုဘဝသရုပ်ဖော်ရုပ်သံဇာတ်လမ်းတွဲ General Hospital အပြင် အခြားဇာတ်လမ်းတွဲအချို့၌လည်း ၎င်းပါဝင်ခဲ့သည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
