Top News

Miss Earth ၂၀၁၆ ပြိုင်ပွဲ၏ People's Choice  ဆုနှင့် Miss Photogenic  ဆုတို့ အတွက် မြန်မာအလှမယ် နန်းခိုင်ရွှေဝါဝင်းအား အွန်လိုင်းမှတစ်ဆင့် Vote ပေးနိုင်ကြောင်း သိရသည်။ အွန်လိုင်း Voting အတွက်  www.missearth.tv/photogenic.php သို့ဝင်ရောက်ခါ  Vote ပေးနိူင်ပြီး၊ Missosology ၏ People's Choice Voting တွင်လည်း ဝင်ရောက်ကာ Vote ပေးနိုင်ကြောင်း သိရသည်။    “နန်းခိုင်ရွှေဝါဝင်းကို အွန်လိုင်းကနေတစ်ဆင့် Vote လုပ်ပေးနိုင်ပါတယ်။ မဲအရေအတွက် အများဆုံးရတဲ့ အလှမယ်ကို နောက်ဆုံးအဆင့်ပြိုင်ပွဲ ကျင်းပတဲ့နေ့မှာ Miss Earth ရဲ့ Title ဆုတွေထဲက Miss Photogenic ဆုနဲ့ People's Choice  ဆုကို ချီးမြှင့်ပေးသွားမှာပါ။ အခုက ပြိုင်ပွဲရဲ့တရားမဝင် Voting Link တွေကိုလည်း Share ပြီး အားပေးနေကြတော့ တကယ့် Official Link မှာက ပရိသတ်အားပေးမှု လျော့နည်းနေပါတယ်။ Miss Earth ၂၀၁၆ နောက်ဆုံးအဆင့် ရွေးချယ်ပွဲက အောက်တိုဘာ ၂၉ ရက်မှာ ကျင်းပသွားမှာပါ” ဟု Miss Golden Land Myanmar Organization မှ တာဝန်ရှိသူတစ်ဦးက ပြောကြားသည်။      Miss Earth ၂၀၁၆ ပြိုင်ပွဲကို အောက်တိုဘာ ၆ ရက်မှ ၂၉ ရက်အထိ၊ ဖိလစ်ပိုင်နိုင်ငံတွင် ကျင်းပလျက်ရှိပြီး နိုင်ငံပေါင်း ၉၀ ကျော်မှ အလှမယ်များ ပါဝင်ယှဉ်ပြိုင်လျက်ရှိသည်။ မြန်မာနိုင်ငံ ကိုယ်စားပြုအလှမယ် နန်းခိုင်ရွှေဝါဝင်းမှာ ကရင်တိုင်းရင်းသူတစ်ဦးဖြစ်ပြီး အသက် ၁၈ နှစ်ဖြစ်ကြောင်း သိရသည်။