‘သဘင်သည် မြနှင်းဆီ’ ဇာတ်လမ်းတွဲကို Shwe Stream အပလီကေးရှင်း၌ပြန်လည်ကြည့်ရှုနိုင်ရန် တင်ဆက်ထားသည်။ ယင်းသို့ကြည့်ရှုရာတွင် Atom ဆင်းမ်ကတ်ဖြင့် ကြည့်ရှုပါက ရာခိုင်နှုန်း ၅၀ လျှော့စျေးဖြင့် ကြည့်ရှုနိုင်မည်ဖြစ်ကြောင်း သိရသည်။
‘သဘင်မြနှင်းဆီ’ ရုပ်သံဇာတ်လမ်းတွဲကို စိန်ဌေးထုတ်လုပ်ရေးနှင့်အတူ Love TV တို့က ပူးပေါင်းကာ ရိုက်ကူးခဲ့ခြင်းဖြစ်သည်ဟု သိရသည်။ ယင်းဇာတ်လမ်းတွဲသည် ဒါရိုက်တာ ကိုစက်၏ ဇာတ်လမ်းကို အင်ကြင်းဟန်က ဇာတ်ညွှန်းရေးဖွဲ့ ထားခြင်းဖြစ်သည်။
“ဒီဇာတ်ကား ရိုက်တုန်းကတော့ လူငယ်တွေ ဖန်တီးထားတဲ့ ပရောဂျက်လေးတစ်ခုကို Platform တစ်ခုမှာပြမယ်ဆိုတာလောက်နဲ့ပဲ ဖန်တီးခဲ့တယ်။ ဒါပေမဲ့လည်း ရိုက်ပြီးတဲ့အထိလည်း လူကြိုက်များမယ်လို့ မထင်ထားခဲ့ဘူး။ ဒါပေမဲ့ အရမ်းအားပေးပြီး စိတ်ဝင်စားကြတဲ့အတွက် အရမ်းပျော်ပါတယ်” ဟု သရုပ်ဆောင်၊ ဒါရိုက်တာ မင်းဆက်သစ်က ဆိုသည်။
ခမ်းနားလှပြီး ရှေးဆန်သည့် အိမ်ကြီးတစ်ခုသည် မြနှင်းဆီဆိုသည့် အငြိမ့်မင်းသမီးလေး၏ ယနေ့ ထက်တိုင် မကျွတ်မလွတ်ဘဲ ရှိနေသည့် သူ၏ဝိညာဉ် ခိုအောင်းနေထိုင်ရာလည်းဖြစ်သည်။ ထိုအိမ်ကြီး၏ အိမ်တော်စောင့် ဒေါ်နီနီသည် ခြံကြီးအတွင်း ခုနစ်ရက်တိုင်တိုင် လာရောက်နေထိုင်နိုင်သူရှိပါက ယင်းလူများကို ဆုတော်ငွေများပေးအပ်မည့် အစီအစဉ်တစ်ခုကို ဖြန့်ဝေခဲ့သည်။
ငွေကြေးလိုအပ်ချင်ကိုယ်စီနှင့်အတူ ဘဝရည်မှန်းချက်များဖြည့်ဆည်းရန်အတွက် ထိုအိမ်ကြီးပေါ်သို့ လူငယ်လေးဦး ရောက်လာခဲ့ကြသည်။
နောက်ခံဘဝမတူညီကြသည့်အပြင် စရိုက်လည်းမတူသည့် ထို လူငယ်လေးဦးနှင့် အိမ်ကြီးတွင် နှစ်ပေါင်းများစွာတိုင်ရှိနေခဲ့သည့် အငြိမ့်မင်းသမီး မြနှင်းဆီ၏ ၀ိညာဉ်တို့အကြား ဖြစ်ပေါ်လာသည့် ကြောက်မက်ထိတ်လန့်ဖွယ်ရာများကို ခံစားကြည့်ရှုရမည့် ဇာတ်လမ်းဖြစ်သည်။
သဘင်သည်မြနှင်းဆီ ဇာတ်လမ်းတွဲတွင် မင်းဆက်သစ်၊ စည်သူ အုပ်စိုး၊ ကောင်းထက်ပိုင်၊ မျိုးဇေယျာ ဝင်း၊ စင်ဒီမြတ်၊ ယွန်းသဒ္ဒါအောင်နှင့် အနုပညာရှင်များ ပါဝင်ထားသည်။ အဆိုပါ ဇာတ်လမ်းတွဲကို Shwe Stream အပလီကေးရှင်း၌ Kpay ဖြင့်လည်း ငွေပေးချေကာ ကြည့်ရှုနိုင်ပြီး အခြားသောနိုင်ငံများမှ ပရိသတ်များအတွက်လည်း ငွေပေးချေမှု ပုံစံအမျိုးမျိုးဖြင့် ကြည့်ရှုနိုင်မည်ဟု သိရသည်။
-
မြန်မာ-တရုတ်နယ်စပ် စီးပွားရေး ပူးပေါင်းဆောင်ရွက်မှုဇုန် တည်ထောင်ရေးတွင် မြန်မာနိုင်ငံ၏ နယ်နိမိတ်ပိုင်နက် နယ်မြေဆုံးရှုံးမှု မရှိစေရေး၊ နှစ်နိုင်ငံအကြား နယ်နိမိတ်သတ်မှတ်ချက်ကို အလေးထားဆောင်ရွက်ရန် စီးပွား/ကူးသန်းဝန်ကြီး ပြောကြား
-
မြန်မာနိုင်ငံဆိုင်ရာ ဂျပန်သံအမတ်ကြီးနှင့် ပြည်ထောင်စုဝန်ကြီးတွေ့ဆုံ၍ ဂျပန်နိုင်ငံကူညီမှုဖြင့် ဆောင်ရွက်နေသည့် ရန်ကုန်မြို့ပတ်ရထားလမ်းနှင့် ရန်ကုန် -မန္တလေး ရထားလမ်း အဆင့်မြှင့်တင်ရေးစီမံကိန်းများ ဆွေးနွေး
-
တရုတ်-မြန်မာ နှစ်နိုင်ငံအကြား တိုက်ရိုက်လေကြောင်းခရီးစဉ်ပျံသန်းသည့် ၁၃ ခုမြောက် တရုတ်လေကြောင်းလိုင်းအဖြစ် Qingdao လေကြောင်းလိုင်း နင်းပေါ်-ရန်ကုန် တိုက်ရိုက်လေကြောင်းခရီးစဉ် စတင်ပျံသန်း
-
အမေရိကန်-တရုတ် ကုန်သွယ်ရေးစစ်ပွဲကြောင့် မြန်မာနိုင်ငံသို့ပြောင်းရွှေ့လုပ်ကိုင်လိုသည့် နိုင်ငံတကာလုပ်ငန်းရှင်များရှိသော်လည်း သုံးလအတွင်း မြေနေရာရရှိရေးဆောင်ရွက်မပေးနိုင်သဖြင့် အာဆီယံနိုင်ငံများသို့ သွားရောက်လုပ်ကိုင်နေကြောင်း ဝန်ကြီးနော်ပန်းသဥ္ဇာမျိုး ပြောက
-
၂၀၂၀ ပြည့်နှစ် မော်တော်ယာဉ်တင်သွင်းမှုမူဝါဒဆိုင်ရာ Model Year သတ်မှတ်ချက် ထွက်ရှိလာပြီး မော်တော်ယာဉ်တင်သွင်းမှု အစီအစဉ်အားလုံးတွင် ယခင်နှစ်ထက် ထုတ်လုပ်သည့်ခုနှစ် တစ်နှစ်စီထပ်တိုး
