အလွန်လူကြိုက်များပြီး အောင်မြင်မှုကြီးကြီးမားမားရရှိခဲ့သည့် တောင်ကိုရီးယား ဒရာမာဇာတ်လမ်းတွဲ Squid Game ၏ခေါင်း ဆောင်မင်းသား လီဂျွန်ဂျေးနှင့် ၎င်း၏ဒါရိုက်တာ ဟွမ်ဒေါင်ဟော့တို့ကို တောင်ကိုရီးယား၏ အမြင့်ဆုံးယဉ်ကျေးမှုဆိုင်ရာဆုတံဆိပ်များကို ပေးအပ်ချီးမြှင့်ခဲ့သည်ဟု သိရသည်။
တောင်ကိုရီးယားသမ္မတ ယွန်းဆက်ယိုက ယဉ်ကျေးမှုနှင့် အနုပညာဖွံ့ဖြိုးတိုးတက်စေရန် သိသာထင်ရှားစွာ စွမ်းစွမ်းတမံကြိုးပမ်းဆောင်ရွက်ခဲ့သူများကို ပေးအပ်ချီးမြှင့်သည့် Geumgwan Order of Cultural Merit ဆုကို ဒီဇင်ဘာ ၂၇ ရက်က ပေးအပ်ချီးမြှင့်ခဲ့သည်။
သမ္မတယွန်းက အခမ်းအနားမစတင်မီ ၎င်းတို့ထံ ဝမ်းမြောက်ကြောင်း သတင်းစကားများ ပေးပို့ခဲ့သည်ဟု ဆိုသည်။
ယွန်းက ဒါရိုက်တာဟွမ်၏ အနုပညာသက်တမ်းတစ်လျှောက် ပြင်းထန်သောကြိုး ပမ်းအားထုတ်မှုများနှင့် အရည်အချင်းကို ချီးကျူးပြောကြားခဲ့သည်။
အသက် ၅၁ နှစ်အရွယ် ဟွမ်၏ အရွယ်မရောက်သေးသူများနှင့် မသန်စွမ်းသူများအပေါ် လိင်ပိုင်းဆိုင်ရာ ရာဇဝတ်မှုကန့်သတ်ချက်များကို ပယ်ဖျက်ပေးရန် ရိုက်ကူးထားသည့် ၂၀၁၁ ခုနှစ်က ထွက်ရှိလာသော နာမည်ကျော် “Silenced” ရုပ်ရှင်နှင့် အသက် ၇၀ အရွယ်ဝန်းကျင် အမျိုးသမီးတစ်ဦးက ဓာတ်ပုံရိုက်ကူးခဲ့ပြီးနောက် အသက် ၂၀ အရွယ် မိန်းကလေးဖြစ်သွားခဲ့ပြီး ၎င်း၏အစစ်အမှန်ကို ရှာဖွေတွေ့ရှိခဲ့သည့် ၂၀၁၄ ခုနှစ်က ထွက်ရှိခဲ့သော Miss Granny ကဲ့သို့ရုပ်ရှင်များကို ရည်ညွှန်း၍ သမ္မတယွန်းက ချီးကျူးပြောကြားခဲ့ခြင်းဖြစ်သည်။ ထို့ပြင် သမ္မတယွန်းက သရုပ်ဆောင် လီအား ရုပ်ရှင်ထူးချွန်ဆုများ ရရှိခဲ့သည့် Squid Game နှင့်ပတ် သက်၍ ၎င်း၏ ပြောင်မြောက်သော သရုပ်ဆောင်ပီပြင်မှုများကို ချီးကျူးပြောကြားခဲ့သည်။
စက်တင်ဘာလက လီသည် ယင်းဒရာမာဇာတ်လမ်းတွဲဖြင့် ထူးချွန်ခေါင်းဆောင်မင်းသားဆုအတွက် အမ်မီဆုကိုရရှိသည့် ပထမဆုံးအာရှသရုပ်ဆောင်ဖြစ်လာခဲ့ပြီး ဟွမ်သည် အလားတူဆုပေးပွဲတွင် ယင်းဒရာမာဇာတ်လမ်းတွဲဖြင့် ထူးချွန်ဒါရိုက်တာဆုကို ရရှိခဲ့သည်။
Squid Game သည် Netflix ၏ကြည့် ရှုမှုအများဆုံး ဇာတ်လမ်းတွဲဖြစ်ပြီး ကြည့်ရှုချိန် ၁.၆၅ ဘီလျံနာရီရှိသည်။
-
မြန်မာ-တရုတ်နယ်စပ် စီးပွားရေး ပူးပေါင်းဆောင်ရွက်မှုဇုန် တည်ထောင်ရေးတွင် မြန်မာနိုင်ငံ၏ နယ်နိမိတ်ပိုင်နက် နယ်မြေဆုံးရှုံးမှု မရှိစေရေး၊ နှစ်နိုင်ငံအကြား နယ်နိမိတ်သတ်မှတ်ချက်ကို အလေးထားဆောင်ရွက်ရန် စီးပွား/ကူးသန်းဝန်ကြီး ပြောကြား
-
မြန်မာနိုင်ငံဆိုင်ရာ ဂျပန်သံအမတ်ကြီးနှင့် ပြည်ထောင်စုဝန်ကြီးတွေ့ဆုံ၍ ဂျပန်နိုင်ငံကူညီမှုဖြင့် ဆောင်ရွက်နေသည့် ရန်ကုန်မြို့ပတ်ရထားလမ်းနှင့် ရန်ကုန် -မန္တလေး ရထားလမ်း အဆင့်မြှင့်တင်ရေးစီမံကိန်းများ ဆွေးနွေး
-
တရုတ်-မြန်မာ နှစ်နိုင်ငံအကြား တိုက်ရိုက်လေကြောင်းခရီးစဉ်ပျံသန်းသည့် ၁၃ ခုမြောက် တရုတ်လေကြောင်းလိုင်းအဖြစ် Qingdao လေကြောင်းလိုင်း နင်းပေါ်-ရန်ကုန် တိုက်ရိုက်လေကြောင်းခရီးစဉ် စတင်ပျံသန်း
-
အမေရိကန်-တရုတ် ကုန်သွယ်ရေးစစ်ပွဲကြောင့် မြန်မာနိုင်ငံသို့ပြောင်းရွှေ့လုပ်ကိုင်လိုသည့် နိုင်ငံတကာလုပ်ငန်းရှင်များရှိသော်လည်း သုံးလအတွင်း မြေနေရာရရှိရေးဆောင်ရွက်မပေးနိုင်သဖြင့် အာဆီယံနိုင်ငံများသို့ သွားရောက်လုပ်ကိုင်နေကြောင်း ဝန်ကြီးနော်ပန်းသဥ္ဇာမျိုး ပြောက
-
၂၀၂၀ ပြည့်နှစ် မော်တော်ယာဉ်တင်သွင်းမှုမူဝါဒဆိုင်ရာ Model Year သတ်မှတ်ချက် ထွက်ရှိလာပြီး မော်တော်ယာဉ်တင်သွင်းမှု အစီအစဉ်အားလုံးတွင် ယခင်နှစ်ထက် ထုတ်လုပ်သည့်ခုနှစ် တစ်နှစ်စီထပ်တိုး
