ဘောလိဝုဒ်ကြယ်ပွင့်စတား ဆူရှန့်ဆင်း သေဆုံးမှုသည် ကိုယ့်ကိုယ့်ကိုယ်အဆုံးစီရင်ခြင်းမဟုတ်ဘဲ အသတ်ခံရမှုဟု ရေခဲတိုက်တွင် အလောင်းစစ်ဆေးစဉ်ရှိနေခဲ့သည့် ဝန်ထမ်းတစ်ဦးက သတင်းလွှင့်အပြီး ထိုအမှုကို ပြန်ဖော်စစ်ဆေးပေးရန် ဆူရှန့်ဆင်း၏အစ်မ ဖြစ်သူက အိန္ဒိယစုံစမ်းစစ်ဆေးရေးအေဂျင်စီ CBI ထံ မေတ္တာရပ်ခံထားသည်။
အသက် ၃၄ နှစ်အရွယ်မင်းသားဆူရှန့် သည် ၂၀၂၀ ခုနှစ်၊ ဇွန်လက ၎င်းင်း၏မွမ်ဘိုင်း တိုက်ခန်းတွင် ဆွဲကြိုးချလျက်သေဆုံးနေခဲ့ပြီး ထိုအမှုကို အာဏာပိုင်များက သတ်သေမှုဟု ကြေညာခဲ့သည်။
သို့သော်မင်းသားသေဆုံးမှုနှင့်ပတ် သက်သည့် နောက်ထပ်အယူအဆများထွက်လာပြီးနောက် ဆူရှန့်၏အစ်မ ရွှေတာဆင်းက အင်စတာဂရမ်တွင် ပို့စ်တင်ကာ CBI အနေဖြင့် ထိုအမှုကို ကြိုးစားဖော်ထုတ်ပေးပြီးအမှန်တရားကို သိခွင့်ပေးရန်တောင်းဆိုကာ အပြီးသတ်စစ်ဆေးချက်မပေါ်သေးသရွေ့ စိတ်ဆင်းရဲနေရသည်ဟု ဆိုထားသည်။
TV 9 Marathi နှင့် အင်တာဗျူးတစ်ခုတွင် ရေခဲတိုက်ဝန်ထမ်း ရူကူမာရှာဆိုသူက “ဆူရှန့်သေပြီးတော့ အလောင်းခွဲစစ်ဆေးဖို့ အလောင်းငါးလောင်း ရောက်လာတယ်။ အရေးကြီးတဲ့အလောင်းပါတယ်လို့လည်းပြောတယ်။ ကျွန်တော် ဆူရှန့်အလောင်းကိုတွေ့တော့ အဲဒါသတ်သေတာမဟုတ်ဘူး၊ လူသတ်မှုထင်တယ်လို့ စီနီယာတွေကိုပြောမိသေးတယ်။ ဒါပေမယ့် မင်းအလုပ်မင်းလုပ်၊ ငါတို့အလုပ် ငါတို့လုပ်မယ်ဆိုပြီး သူတို့ကပြောတယ်။ ကျွန်တော့်အလုပ်က အလောင်းခွဲရ၊ ပြန်ချုပ်ပေးရတာ။ ဆူရှန့်အလောင်းစစ်ဆေးမှုတစ်ခုလုံးကို ဗီဒီယိုရိုက်ထားခဲ့သင့်တာ။ ဒါပေမဲ့ အထက်လူကြီးက ဓာတ်ပုံနဲ့ပဲမှတ်တမ်းတင်မယ်၊ အလောင်းကို အမြန်ဆုံးပြန်ပေးချင်တယ်လို့ပြောတယ်”ဟု ပြောခဲ့သည်။
၎င်းအဆိုအရ အလောင်းတွင် အရိုက်ခံထားရသည့် အရာများရှိပြီး လည်ပင်းနှစ်နေရာသုံးနေရာတွင် ဒဏ်ရာများရှိသည်။ အရိုက်ခံရမှုကြောင့် ခြေလက်များကျိုးနေပုံလည်းရသည်။ အချို့ဒဏ်ရာများက နက်သည်။
ဆူရှန့်သေဆုံးမှုကို ကိုင်တွယ်သည့် CBI က သတ်သေမှုဟုသာ ကောက်ချက်ချပြီး ယခုထိ အပြီးသတ်စစ်ဆေးချက်ကို မထုတ်ပြသေးပေ။ ဆူရှန့်၏အစ်မဖြစ်သူတစ်ဦးကမူ ဘောလိဝုဒ်သည် ဆူရှန့်၏ထူးချွန်မှုကို အသိအမှတ်မပြုပေးခဲ့ဘဲ ဘောလိဝုဒ်၏ မနာလိုမှုကြောင့် ၎င်း၏မောင်သေခဲ့ရသည်ဟု စက်တင်ဘာလက ဖွင့်ထုတ်ပြောခဲ့ဖူးသည်။
-
မြန်မာ-တရုတ်နယ်စပ် စီးပွားရေး ပူးပေါင်းဆောင်ရွက်မှုဇုန် တည်ထောင်ရေးတွင် မြန်မာနိုင်ငံ၏ နယ်နိမိတ်ပိုင်နက် နယ်မြေဆုံးရှုံးမှု မရှိစေရေး၊ နှစ်နိုင်ငံအကြား နယ်နိမိတ်သတ်မှတ်ချက်ကို အလေးထားဆောင်ရွက်ရန် စီးပွား/ကူးသန်းဝန်ကြီး ပြောကြား
-
မြန်မာနိုင်ငံဆိုင်ရာ ဂျပန်သံအမတ်ကြီးနှင့် ပြည်ထောင်စုဝန်ကြီးတွေ့ဆုံ၍ ဂျပန်နိုင်ငံကူညီမှုဖြင့် ဆောင်ရွက်နေသည့် ရန်ကုန်မြို့ပတ်ရထားလမ်းနှင့် ရန်ကုန် -မန္တလေး ရထားလမ်း အဆင့်မြှင့်တင်ရေးစီမံကိန်းများ ဆွေးနွေး
-
တရုတ်-မြန်မာ နှစ်နိုင်ငံအကြား တိုက်ရိုက်လေကြောင်းခရီးစဉ်ပျံသန်းသည့် ၁၃ ခုမြောက် တရုတ်လေကြောင်းလိုင်းအဖြစ် Qingdao လေကြောင်းလိုင်း နင်းပေါ်-ရန်ကုန် တိုက်ရိုက်လေကြောင်းခရီးစဉ် စတင်ပျံသန်း
-
အမေရိကန်-တရုတ် ကုန်သွယ်ရေးစစ်ပွဲကြောင့် မြန်မာနိုင်ငံသို့ပြောင်းရွှေ့လုပ်ကိုင်လိုသည့် နိုင်ငံတကာလုပ်ငန်းရှင်များရှိသော်လည်း သုံးလအတွင်း မြေနေရာရရှိရေးဆောင်ရွက်မပေးနိုင်သဖြင့် အာဆီယံနိုင်ငံများသို့ သွားရောက်လုပ်ကိုင်နေကြောင်း ဝန်ကြီးနော်ပန်းသဥ္ဇာမျိုး ပြောက
-
၂၀၂၀ ပြည့်နှစ် မော်တော်ယာဉ်တင်သွင်းမှုမူဝါဒဆိုင်ရာ Model Year သတ်မှတ်ချက် ထွက်ရှိလာပြီး မော်တော်ယာဉ်တင်သွင်းမှု အစီအစဉ်အားလုံးတွင် ယခင်နှစ်ထက် ထုတ်လုပ်သည့်ခုနှစ် တစ်နှစ်စီထပ်တိုး
