AI တွေကိုအသုံးပြုပြီး ယခင်ကဖြစ်ပျက်ခဲ့ဖူးတဲ့ အမှုအခင်းဖြစ်စဉ်တွေကိုဖတ်ခိုင်းတာ၊ စိစစ်ခိုင်းတာတွေကိုပြုလုပ်နိုင်တဲ့အပြင် ဘယ်လိုအမှုအခင်းဆိုရင် ဘယ်လိုစီရင်ထုံးတွေရှိခဲ့တယ်ဆိုတာတွေကို AI ကဖြေရှင်းပေးနိုင်စွမ်းရှိတာကြောင့် ရှေ့နေတွေအတွက် အကျိုးကျေးဇူးများစွာရရှိနိုင်မှာဖြစ်ပါတယ်။
ဒါဆိုရင် ရှေ့နေကိုယ်တိုင် တရားခွင်မှာလုပ်ဆောင်ရမည့် စစ်ဆေးမေးမြန်းတာတွေနဲ့ ငြင်းခုန်ရတာတွေစတဲ့အပိုင်းတွေကိုရော AI က အလိုအလျောက်ဖြေကြားပေးမှာလားလို့မေးစရာရှိလာပါတယ်။ တရားခွင်မှာအပြန်အလှန် ပြောကြားထားတဲ့စကားတွေကို AI ရဲ့ Deep Learning နည်းပညာအသုံးပြုပြီး အသေးစိတ် စိစစ်ပေးတာတွေ ဆောင်ရွက်ပေးနိုင်ပါတယ်။
မကြာသေးမီကပဲ အမေရိကန်မှာရှိတဲ့ တရားခွင်တစ်ခုမှာတော့ စီရင်ထုံးတစ်ခုချမှတ်ဖို့အတွက် ChatGPT ကိုအသုံးပြုခဲ့ပါတယ်။ အမှုဖြစ်စဉ်ကတော့ ကျန်းမာရေးအာမခံကုမ္ပဏီတစ်ခုက အော်တစ်ဇင်ကလေးငယ်များဆေးကုသမှုခံယူခွင့် ရသင့်လား/မရသင့်ဘူးလားဆိုတဲ့ကိစ္စနဲ့ပတ်သက်ပြီး တရားရုံးမှာသဘောထားကွဲလွဲမှုတစ်ခုဖြစ်ခဲ့ပါတယ်။
တရားသူ ကြီးဖြစ်သူ Juan Manuel Padilla Garcia က အမှုနဲ့ပတ်သက်တဲ့ ဥပဒေကြောင်းအရမေးခွန်းတင်သွင်းရာမှာ AI ကိုအသုံးပြုခဲ့ပြီး အမှုဆုံးဖြတ်ရာမှာလည်း AI ရဲ့ဆုံးဖြတ်ချက်တွေကိုပါ ထည့်သွင်းစဉ်းစားခဲ့တယ်လို့ဆိုပါတယ်။
AI ကထုတ်ပေးလိုက်တဲ့စီရင်ထုံးတွေကို တရားသူကြီးတွေရဲ့တရားစီရင်တဲ့နေရာမှာ အစားထိုးလိုက်ဖို့ ရည်ရွယ်ပြီး အခုလိုသုံးတာတော့ မဟုတ်ပါဘူး၊AI ကထောက်ပံ့ပေးတဲ့အချက်အလက်တွေကို စိစစ်ဆန်းစစ်ပြီးတဲ့နောက် အမှုကိုဆုံးဖြတ်ချက်ချဖို့လိုအပ်တဲ့အချိန်ပမာဏကို လျှော့ချဖို့အတွက်သာသုံးပါတယ်လို့ တရားသူကြီး Garcia ကဆိုခဲ့ပါတယ်။
ဆေးဘက်ဆိုင်ရာပညာ၊ ဗိသုကာပညာ၊ သို့မဟုတ် စိတ်ပညာဘာသာရပ်တွေမှာလည်း AI ကစွမ်းဆောင်ပေးနိုင်မလားဆိုပြီး မေးလာခဲ့ရင်တော့ အဆိုပါနယ်ပယ်တွေ အတွက်လည်း အကောင်းဆုံးစွမ်းဆောင်ပေးနိုင်မှာပါလို့ ဖြေရပါလိမ့်မယ်။ ရှေ့မှာဖော်ပြခဲ့သလိုပဲ AI နည်းပညာဟာ လူတွေမလုပ်ချင်တဲ့ ပုံမှန်ထပ်တလဲလဲလုပ်ဆောင်ရတဲ့ ပျင်းရိငြီးငွေ့စရာအလုပ်တွေကို အစားထိုးလုပ်ပေးနိုင်ယုံတင်မကဘဲ ရှုပ်ထွေးနက်နဲတဲ့ လုပ်ငန်းတွေနဲ့ ဖန်တီးမှုတွေကိုပါ လုပ်ဆောင်ပေးနိုင်စွမ်းရှိနေပါပြီ။
ဥာဏ်ဝေ
-
ဒဏ်ရာပြဿနာကြောင့် အော်ဒီဂွါကို အချိန်တစ်ခုကြာလက်လွှတ်ရမည်ဟု အာတီတာ ဝန်ခံခဲ့ပြီး ဒီဘရိုင်းနားလည်း အာဆင်နယ်နှင့်ပွဲတွင် ပါဝင်နိုင်ရန် မသေချာ
-
နေမာ၏သတိပေးချက်သတင်းများ ထွက်ပေါ်နေမှုကို အမ်ဘာပေနှင့် ဆက်ဆံရေးကောင်းမွန်ကြောင်း ပြောကြားပြီး ရိုဒရီဂို တုံ့ပြန်
-
အယ်လ်ဗာရက်ဇ်ကို အချိန်ပေးရမည်ဟု ဆီမြွန်နီ ဆို
-
ရီးယဲလ်မက်ဒရစ်နှင့် အပြောင်းအရွှေ့သတင်းများကို မန်စီးတီးကွင်းလယ်ကစားသမား ရိုဒရီ တုံ့ပြန်
-
နည်းပြ ဒီရော့ဆီကို ရာထူးမှထုတ်ပယ်ခြင်းအတွက် ဆန္ဒပြမည်ဖြစ်ပြီး နည်းပြသစ် ဂျူရစ်၏ ပထမဆုံးပွဲကို ကန့်ကွက်သွားမည်ဟု ရိုးမားအမာခံပရိသတ်အဖွဲ့ ကြေညာ